Beitningskurður
Intro
Unnar:
Komið þið sæl og blessuð, það er dúettinn BeitningSkurður sem heilsar ykkur hér á þessu fallega laugardagskvöldi. Nú ehhm, dúettinn fagnar um þessar mundir 5 ára afmæli og í tilefni þess munum við bjóða uppá léttleikandi molasúpu hér á sviðinu í kvöld.
Olli:
Rétt er það Unnar Númi. Þessir jakkar sem við klæðumst hér í kvöld, hafa fylgt okkur bróðurpartinn af þessum 5 árum. Nú þið sem eruð að velta því fyrir ykkur: “Hvar fær maður svona jakka?” Það er einfalt svar við þeirri spurningu. Þannig er mál með vexti að það var búið að bóka okkur félaga á stóra skemmtun og þar sem við erum nú ekki þekktir fyrir annað en að vera snyrtilegir til fara þá var kominn tími á einkennisklæðnað. Við sippuðum okkur náttúrlega þarna í DressMann og það fyrsta sem maður sér, hangandi hátt á veggi eru þessir glæsilegu jakkar, og þegar betur var að gáð að þeir voru á gjafaverði. Ekki rétt Unnar Númi?
Unnar:
Jú Siguróli, kórrétt. Þetta var eins og versla sér á nammibarnum, maður púngaði einum 500 krónum út fyrir þessu, svo það var eins gott að þeir voru flottir jakkarnir. Reyndar var bara einn jakki í búðinni sem þótti ljótari en rauða gullið og var það svona tannlækna grænn jakki. Við ákváðum þó ekki að ganga svo langt í það skiptið en þegar komið var uppá svið á þessu fyrsta giggi okkar bræðra, þá var okkur litið yfir salinn og viti menn, þarna var Þorgeir Jónsson í öllu sínu veldi, skælbrosandi í tannlækna jakkanum, afar sáttur við lífið.
Slátrið
Olli:
En jæja, þá skulum við fara að hefja ljóðalestur. Nú það er ekkert öðruvísi en það en að við bræður höfum unnið fyrir hinu ýmsu sérfræðinga, en þannig er nú mál með vexti að við erum vanir að taka svona snillinga fyrir. Það er eitt tímabil á þessari lífsgögnu sem að enn á eftir að gera skil en það er þegar við félagar þáðum laun frá stórsamsteypunni Íslensk sjávarþang. Það var þegar Jón Ásgeir okkar Hríseyinga, Vikingur Smárason, réði ríkjum á Sandshorninu.
Unnar:
Hjá þessu firma starfaði ungur og efnilegur maður sem eins og margir samstarfsmenn okkar átti þátt í að móta okkur. Þessi ungi og efnilegi maður er enginn annar en Ómar helbreiður Árnason sem að tók að sér kynfræðsluþátt uppeldis okkar og höfum við ekki beðið þess bætur allar götur síðan. Til að lýsa þessu betur pússluðum við saman dverghendu einnri með gnýstuðlum sem við kjósum kalla “Slátrið” og Unnar Númi ætlar að flytja ykkur hana.
Olli:
Sólríkan dag við kallið fengum,
þetta var okkar eina von.
Stoltir niður í Sjávarfang gengum,
því hver vill ekki vinna fyrir Smárason?
Eftir kaffi við þreyttumst pínu,
gamanið var þá farið að kárna.
En siglandi eftir lausfrystilínu,
kom hnausþykkt slátrið á Ómari Árna.
Olli:
Pétur Birgis
Pétur Birgisson veður í atvinnutilboðum þessa dagana. Þrátt fyrir mikinn niðurskurð hjá Ríkisútvarpinu hefur Pétri verið boðin staða sem þrífótur í kvöldfréttum Sjónvarpsins. Þegar við í BS náðum á Páli Magnússyni var hann staddur í laxveiði austur á landi og vildi hann lítið tjá sig um limaburð Péturs. Þessi ráðning varð okkur að yrkisefni og fannst okkur því tilvalið að smella í eina hringhendu með stífðum síðlínum sem við kjósum að kalla “The Rúv is on fire”.
Unnar:
Við ráðningu var hann talinn skrýtinn,
fyrir fréttalestur þótti of ljótur.
En þar sem hann er ekki með lítinn,
nýtist hann vel sem þrífótur.
Olli:
Óli Pálmi
Nú á dögum er allt til sölu hjá loðfílnum Ólafi Pálma og viljum við koma hér tilkynningu á framfæri, en Ólafur auglýsir eftir smiðnum sem að klæddi húsið hans sumarið 2007, en þess má geta að smiður þessi er auðþekkjanlegur á því að það eina sem hann virðist geta klætt eru hús, en sjálfur er hann yfirleitt léttklæddur. Við BS bræður munum vel eftir smiðnum og lýsum við honum á eftirfarandi hátt :
Hann er vígur að vexti, nokkuð lofthár, hrikalegur, ófríður, hornamikill, hringhyrntur, dálítið hornskekktur, höfuðstór og ennisbreiður. Svo er hann golsóttur og eitthvað léttrækur svona, jafnvaxinn og svona þrekmikill og með smá brúsk.
Unnar:
En eins og við öll vitum þá hefur Ólafur tekið sér ýmislegt fyrir hendur á skrautlegum ferli sínum og fer hann yfirleitt fremstur í flokki hvar sem hann kemur niður fæti. Eftir að hafa sigrað slátturmarkaðinn með BS innanborðs og velt hverri milljóninni af fætur annarri þá ákvað hann að snúa sér alfarið að dyravörslu og líkamsrækt og í dag er Ólafur orðinn vinsælasti, virtasti og breiðasti dyravörður landsins. En við í BS höfum áræðanlegar heimildir fyrir því að Ólafur ætli að hætta dyravörslu í haust og setjast á skólabekk í kjölfarið. Við munum flytja ykkur fréttir þessar í stúfhendu nokkurri sem við sömdum á dögunum sem við kjósum að kalla “Nýtt líf”.
Á rekstri var Ólafur orðinn þreyttur,
á öðrum sviðum náði yfirburðum.
Liggur yfir bókum löðursveittur,
í dyrasálfræði við Háskólann á Hurðum.
Smári Thor
Olli:
Það er einn stór aðili sem að við höfum aldrei þorað að taka almenninlega á. En nú munum við fjarlægja hanskana og koma okkur beint að kjarna málsins. Maðurinn sem um ræðir er enginn annar en ljúfmennið, kyntáknið, fjárfestirinn, Flateyingurinn og maðurinn með gaddavírsröddina sem er alveg eins og Borat. Hér er að sjálfsögðu átt við Smára Thorarensen. Í vændum er lengsta ljóð kvöldsins og í því koma fyrir hinu ýmsustu fjörkálfar sem á vegi okkar hafa orðið. Smári Thor er í aðalhlutverki en með aukahlutverk fara kartöflubóndinn og beitningarkóngurinn Geirsli Einarsson, verkalýðsforinginn og stórkaupmaðurinn Dúdda dúllan mín og síðast en ekki síst fagfjárfestirinn og skortstöðusnillingurinn Stefán Björnsson. En þess má geta að Stefán Björnsson er ein aðalástæða fyrir falli íslensku krónunnar, þar sem hann tók stöðu gegn henni á haustmánuðum 2008. Ljóð þetta er ort undir bragarhætti sem oft er kenndur við einfrumunginn Víði Björnsson og kjósum við að kalla ljóðið “Stein-grjót-anskoti-haltu-kjafti”.
Unnar:
Vaknar snemma ákaflega hress,
og smellir sér í sitt porno-bláa dress.
Í morgunmat fær sér beikon og egg,
og snyrtir sitt virðulega yfirvaraskegg.
Út úr hlaði reikspólar Smárinn,
Steina í glugganum þerrar tárin.
Komdu nú heill heim Smárinn minn,
í kvöld mun ég bíða með glaðninginn þinn.
Á leið niðrí ferju rekst hann á mann,
já maður er það sem ýmislegt kann.
Gísli Einars var að keðja Fordinn,
þegar aðvífandi kemur lordinn.
Í lotningu sinni krýpur á kné,
með hann grjótharðann eins og tré.
Enginn veit hvað Gísli hafði í hyggju,
Smári trylltist, og brunaði niður á bryggju.
Ferjuna keyrð’ann eins og druslan dró,
með rettuna í kjaftinum Pétur hló,
stuttu síðar úr leiðindum dó,
já Smári Thor var aleinn útá sjó.
Olli:
Um borð kom Dúdda með tuttugu poka,
því annars myndi Ingimar búðinni loka.
Enginn um borð lyfti upp litla fingri,
og Dúdda vildi óska þess að hún væri aðeins yngri.
Í 10 ferðum pokana bar, inn af öllu afli,
já þungar voru vörurnar, þetta var svaka stafli.
Smári floraði ferjuna og útúr höfninni keyrði,
Dúdda tuðaði alveg tryllt og Gísli í henni heyrði.
Smári kom og sagði þeim að vera ekki með væl,
Gísli brást þá illur við og svaraði um hæl.
Nú stefndi allt í óefni og fólk var byrjað að hrópa,
sem betur fer var maður um borð, sem oft er kallaður ÓPA.
Ólafur snéri þá niður um leið,
í símanum, var maður sem beið.
Eftir að hafa róað þá niður,
svaraði í símann, það er fastur liður.
Stefán Björnsson á línunni var,
og var með hugmynd um að opna bar.
Stebba vantaði fjársterkann mann,
og einhvern sem á rekstur kann.
Tilboði Stefáns Ólafur tók,
og eiginfjárstöðu sína jók.
Þreyttur var Smári eftir langan dag,
fór rakleiðis heim og losaði þvag.
Heima beið Steina og saknaði hans,
í stofunni stigu þau trylltan dans.
Smári var þreyttur og vildi fara sofa,
en fyrst var það glaðningur sem Steina var búin að lofa.
Unnar:
Heiðar Ingi Helgason
Næsti maður sem við félagar ætlum að taka fyrir er mikill sérfræðingur. Það hefur vakið athygli okkar hversu iðinn hann er við kolann á samskiptavefnum facebook og gefur hann seiðkarlinum Aloe Bergdal ekkert eftir í þeim efnum. Nú ehh, hann er ekki einungis virkur á facebook heldur er hann duglegur að sækja öldurhús N-Evrópu og hefur getið sér gott orð í þeim bransa. Skytta þykir hann góð og...ehhhh nóg um það. Við skulum nú bara athuga með það hvort við getum ekki flutt fyrir ykkur oddhentu hákveðuna sem við sömdum um þennan snilling. Hákveðan fjallar um Heiðar Inga og ber nafnið “Facebook Status”.
Unnar:
Vaknar snemma um morguninn,
grípur í símann og loggar sig inn.
Setur inn status og nokkur like,
býr til groupur og gerist fan af nike.
Skrifar hjá fólki og undir þeim kyndir,
kommentar á statusa og líka nokkrar myndir.
Ef lýsingar þessar þið eruð ekki að kaupa,
lítið bara á stelpurnar sem á eftir honum hlaupa.
Unnar:
Ásgeir Málari
Nú er komið að lofsönginum. Við félagar eigum okkur uppáhalds karaktera hér í Hrísey og nú er komið að því aið flytja ykkur lofsöng um einn þeirra. Þessi meistari, eða sjampión, er okkur öllum kunnugur en þarna fer heiðursmaður mikill sem við höfum alltaf litið upp til í orðsins fyllstu merkingu. Nú hann er berhöfðaður, lofthár, yfirleitt léttklæddur og léttlyndur, jú þarna fer enginn annar en Ásgeir Málarason, eða Ásgeir Málari eins og hann er nefndur í skjölum þess opinberra.
En síðast þegar við stigum á stokk þöndum við raddböngin og þótti viðstöddum það ekki ónýtt. Að þessu sinni ætlum við enn á ný að brydda uppá nýjung því nýsköpun hefur alltaf átt upp á pallborðið hjá okkur félögum. Núna ætlar semsagt Siguróli að rappa fyrir ykkur framhent fornyrðislag með flatrími og stöku fléttuböndum, gjörðu svo vel að fokking flytja fornyrðislagið, Siguróli.
Olli:
Oh, já, já, já-já-já-já-já
Að mála eru hans fucking ær og kýr,
Í bransanum er hann ekki nýr. ÓNEI.
Ofan í fötuna dýfir fínni rúllu,
Málar fyrir mig og líka fyrir Úllu.
Hann er óhræddur við, að sýna fucking kroppinn,
Já á sólríkum dögum he get‘s it poppin‘.
Á morgnana fær hann sér brauð og prótein-shake,
Á andlit hans fer sko ekkert fucking make.
Heilsar með brosi og nettu hand-shake,
Já svoleiðis kveðjur, þær eru ekkert fake.
Knattspyrnuiðkun setti svip á hans líf,
Hann spilaði aldrei með neina fucking hnéhlíf.
Í mörg ár var hann á mála hjá Narfa,
Lék á nokkra unga, og líka gamla skarfa.
Með vítaspyrnum gat hann andstæðingnum kálað,
Á punktinum var hann, öryggið uppmálað.
(Unnar ropar).
Olli: Hvað er að þér, það er dónalegt að ropa,
Unnar: Æj, hættu þessu væli, og fáðu þér annan sopa.
(Olli fær sér sopa og kartöflumús)
Unnar: hvað ertu að éta, er þetta kartöflustappa?
Olli: rétt, viltu? Þið hin megið klappa.
Fuglasöngur
Unnar:
Við gátum ekki komið fram hérna í kvöld án þess að taka á farfuglum. Við byrjum að sjálfsögðu á toppnum og flytjum ykkur fyrsta erindi ljóðabálks sem nú er í vinnslu og kallast “Fuglasöngur”. Nú þetta fyrsta erindi er um elstu og virtustu farfugla eyjarinnar, sem eru að sjálfsögðu hjónin á Stekkjarnefi, Jón og Auður.
Olli:
Jón, Auður og sjálfur drottinn,
voru á Stekkjarnefið hrakin.
Á morgnana skella þau sér í pottinn,
Auður er hulin en Jón er nakinn.
Bréf frá Páli Abrahamsen á færeysku:
Virðulega samkoma, þættinum hefur borist bréf. Reyndar berst okkur fjöldi bréfa, en aðeins fáein þykja flutningshæf. Reyndar er það svo að bréf þetta var stílað á alla Hríseyinga, nær og fjær og er það á færeysku. Unnar Númi mun lesa bréfið á færeysku, þar sem að hann er 1/8 Dani og Siguróli mun snara því jafn óðum yfir á móðurmálið, þar sem hann er 1 heill Íslendingur. Og hefst þá lestur.
Fær: Ì dag er ein stórur dagur fyri Føroyska landstyrið, tí í dag kemur bann í gildið, sum bannar mær at koma heim til oyggjarnar tey næstu 20 árini.
Ísl: jú hann var semsagt að segja að úr Færeyjum er allt gott að frétta, skyggni ágætt og fiskast hefur ágætlega, sérstaklega á norðurmiðunum.
Fær: Hetta bannið er komið tí eg havi tikið allar kvinnurnar í Føroyum til sín sjálvs í nógv ár og hetta haldi eg ikki er rættvíst, at ein familja skal blíva til eina natión.
Ísl: heyrðu já hann var nú bara að segja að þessi blússa sem þú ert í hérna sé mjög hugguleg.
Fær: Eg havi verði og skøkjast runt og eg nokti ikki at sprutti ikki er gott og eg havi verði í song við fleiri kvinnum frá Føroyum, hvis ikki fleiri hundrað av teimun. Summi siga at eg havi verði í song við 17% av fólkinum, men tað er bara fólkasøga.
Ísl: jú ehm, hér segir hann að hann hugsi ávalt með hlýhug til baka, til áranna sinna hér á perlu Eyjafjarðar.
Fær: Einaferð bant eg eina kvinnu til køksborði hjá abba mínum og helt at tað var mega feitt.
Ísl: hann gleymir aldrei kvöldsólinni og hvernig hún seig rólega í hafið við sjóndeildarhringinn um leið og hún baðaði eyjuna geislum sínum.
Fær: Tað er næstan blivið til eitt kenni tegn hjá mær at leggja skerpikjøt á búkin hjá mínum vinkonum og eta tað av teimun við góðari matarlist.
Ísl: jú hann segist hlakka til að heimsækja eyjuna fljótlega en sem stendur sé hann býsna upptekinn.
Fær: Eg raki mær kúlurnar dagliga, tí eg haldi at tað er ógvuliga viktugt at verða snøggur i neðra.
Ísl: Bestu kvejður til ykkar allra, kær kveðja, Páll Abrahamsen.
Unnar:
Þá er meginmáli lokið og er þetta þá ekki bara spurning um að fara og sippa í sig?
Olli:
Ekki spurning, við félagar þökkum fyrir okkur að þessu sinni.
Beitningskurður:
Bless kex!